Чăваш хĕвелĕ сарă, хĕрлĕ —
Тухассисем, анмаллисем.
Чăваш тĕпелĕ çÿл тÿпеллĕ —
Юрассисем, юрлассисем.
Хушса юрлама:
Тăван çĕршыв, атте-анне,
Сана савса эпир юрлатпăр.
Пурнатпăр-ха эпир, пурнатпăр
Хĕвел сÿнсе сивĕниччен.
Чăваш тĕррийĕ сарă, хĕрлĕ,
Хура йĕрсем, симĕссисем.
Чăваш тĕнчийĕ сар хĕрĕллĕ —
Ваттийĕсем, вĕттийĕсем.
Хушса юрламалли
Чăваш ялавĕ сарă, хĕрлĕ —
Юманĕсем, хăмлийĕсем.
Чăваш яланĕ çичĕ тĕрлĕ —
Акассисем, вырассисем.
Хушса юрламалли
