Ҫӗр ҫине ҫил пурӑнма килнӗ,
Юратма, савӑнмашкӑн килнӗ.
Пӗр ӗмӗр Турри пире панӑ,
Тивӗҫлӗ ирттерме каланӑ.
Пӗр-пӗрне ӑнланса туслӑ пурӑнасчӗ,
Юрататпӑр пулсан хыттӑн юратасчӗ,
Ҫурт туса йӑхсене малалла тӑсасчӗ,
Пурнӑҫа ырлӑхпа анчах ҫавӑрасчӗ.
Ҫумӑр, ҫумӑр, эс ӑшӑ ҫумӑр.
Ҫутӑр, ҫутӑр, маншӑн вӑл пултӑр.
Чечек пек типеп эс ҫук чух ҫумра.
Эпӗ саншӑн каҫпа ҫут пулӑп,
Эсӗ маншӑн хӗрӳллӗ ҫулӑм.
Юрату ӗмӗтре мар, вӑл пурнӑҫра.
Кун-ҫулсем пирӗн улшӑнаҫҫӗ,
Юратсан ҫынсем ырӑланаҫҫӗ.
Пирӗн те туслӑх хуҫаланӗ,
Ҫӗр ҫинче юмах пек пурнӑҫ пуҫланӗ.
Чӗрене пирӗнне юратмашкӑн тунӑ,
Чунсене ҫынсене савӑнмашкӑн панӑ.
Юратса ҫӗр ҫинче юратмашкӑн ҫӑмӑл,
Пӗр-пӗрин хушшинче ан пултӑр ҫил-тӑвӑл.
Ҫумӑр, ҫумӑр, эс ӑшӑ ҫумӑр.
Ҫутӑр, ҫутӑр, маншӑн вӑл пултӑр.
Чечек пек типеп эс ҫук чух ҫумра.
Эпӗ саншӑн каҫпа ҫут пулӑп,
Эсӗ маншӑн хӗрӳллӗ ҫулӑм.
Юрату ӗмӗтре мар, вӑл пурнӑҫра.
Вконтакте
