Утмӑл турат
1.Утмӑл турат ҫеҫки пухрӑм--
Ытам тулли чечексем.
Савнӑ тусӑм, кӗтме тухрӑм,
Эс часрах, часрах килсем.
Хушса юрламалли:
Кӑвак куҫлӑ пирӗштийӗм,
Утмӑл турат— куҫунта.
Ӗмӗр манайми савниҫӗм,
Тунсӑхлатӑп, кил кунта!
2. Ҫӑлтӑрсем ҫула ҫутатӗҫ,
Эсӗ хӑв та ҫӑлтӑр пек.
Шӑпчӑксем юрра шӑратӗҫ,
Сансӑр пурӑнаймӑп тек.
3. Тӗл пулу саманчӗ ҫитӗ,
Парнелетӗп чечексем.
Утмӑл туратсен пуххийӗ--
Куҫу тӗслӗ ҫеҫкесем.
Алина Николаева,
Шупашкар районӗ,
Чӑрӑшкасси ялӗ.